Բաղադրիչներ՝
տավարի փափկամիս – 1 կգ,
սոխ – 200 գ,
լոլիկ – 300 գ,
սխտոր – 2-3 պճեղ,
համեմ, ռեհան – 50-ական գ,
ուրց- 3-4 ճյուղ,
համեմի աղացած սերմ – 1 թ.գդ.,
կարմիր կծու պղպեղ – 1 հատ,
դափնու տերև – 1-2 հատ,
աղ
Տավարի միսը կտրատել:
Սոխը մանր կտրատել:
Միսն ու սոխը խառնել, լցնել սոտեյնիկի մեջ, ավելացնել 1-2 ճաշի գդալ ջուր, աղ, մարմանդ կրակով եփել, կափարիչը կիսաբաց թողնել:
Եթե պետք է, նորից ջուր ավելացնել:
Լոլիկները գցել եռացած ջրի մեջ, կեղևը հանել: Մանր կտրատել, լցնել մսի վրա, եփել ևս 5-6 րոպե:
Կանաչին մանր կտրատել:
Սխտորի ամեն պճեղ երեք-չորս մաս անել:
Պղպեղի սերմերը հեռացնել, օղակ-օղակ կտրատել:
Կանաչին, սխտորը, դափնու տերևը, պղպեղը, համեմի սերմը լցնել մսի վրա, միասին եփել ևս 5-6 րոպե:
Կրակից վերցնել, կափարիչը փակել, թողնել կես ժամ:
Մատուցելուց առաջ տաքացնել, կանաչիով զարդարել: