Իվետա Մուկուչյանի նոր հոլովակի շնորհանդեսի հետաքրքիր դրվագները

Իվետա Մուկուչյանի «Հայաստանի աղջիկներ» տեսահոլովակի շնորհանդեսին

Նա նշեց, որ ռեժիսորն Արեն Բայադյանն է, ում հետ համագործակցել էր նաեւ «Սիրահարվել եմ քեզ» տեսահոլովակի շրջանակում: Իվետան ընդգծեց՝ այն կարծիքին էին, որ հոլովակում տարազ չպետք է լինի, եւ հայ աղջիկները պետք է ներկայանան նորաոճ, հետաքրքիր կերպարներով.«Հայ աղջիկներն այսօր շատ ճաշակով են, հասկանում են նորաձեւությունից, կիրթ են, իսկական դիցուհիներ եւ միեւնույն ժամանակ մի քիչ գժուկ են: Մենք ցանկացել ենք այդ ամենը դնել տեսահոլովակի հիմքում, եւ կարծում են՝ ստացվել է միտքը տեղ հասցնել: Կարելի է ասել՝ ամբողջովին ֆեմինիստական տեսահոլովակ է»: Իվետան պատմեց, որ հոլովակի նկարահանումների մի մասն անցկացրել են Հայաստանի ազգային պատկերասրահում, որտեղ ընդհանրապես նկարահանումներ իրականացնել չի թույլատրվում: Բայց ի վերջո իրենց հաջողվել է համաձայնության գալ եւ որոշ հատվածներ նկարահանել Մինաս Ավետիսյանի կտավների ցուցասրահում.«Ստացվում է՝ հոլովակում առկա են նաեւ իմ սիրելի նկարչի՝ Մինասի գործերը, ինչի համար շատ ուրախ եմ ու շնորհակալ, քանի որ այդ կտավներն իսկապես շատ մեծ արժեք ունեն, մենք էլ փորձել ենք չվնասել, ոչինչ չփչացնել նկարահանման ընթացքում: Պատկերասրահի տնօրենն ասաց՝ «Դե, եթե Բեյոնսեն Լուվրում է նկարահանում իր տեսահոլովակը, ուրեմն մեր Իվետան էլ պատկերասրահում կնկարահանի» (ժպտում է,- հեղ.)»: