Ֆեյսբուքում մի գրառում տեսա, որը վերաբերում էր զոհված հերոսների ընտանիքներին։ Հեղինակն իր պատկերացումներն էր ներկայացրել Ամանորին կանխատեսվող տրամադրության կամ վարքագծի վերաբերյալ (բարի նպատակով): Հասկանալի է, որ մեր կյանքն այլևս նույնը չի լինելու, հատկապես նրանցը, ովքեր հարազատ են կորցրել այս պատերազմում, բայց եկեք չշտապենք դերեր, վարվեցողություն և կենսակերպ ձևել մարդկանց համար: 
Նույնիսկ ամենաբարի նպատակն ունենալով, մեր պատկերացումները չդարձնենք նորմ, որովհետև այդ նորմերը մարդկանց ճնշելու և վնասելու սովորություն ունեն, երբեմն ավելի շատ, քան մարդու կարգավիճակը:
Ամեն մեկը յուրովի է տանում վիշտը: Ոչ ոք չգիտի՝ զոհված զինվորի մայրը կմխիթարվի տոնածառը թաքցնելո՞վ, թե՞ այն  զարդարելով: | Զարուհի Բաթոյան