Մ․Թ․-ի տեգրին և սկեսուրին մեղադրանք է առաջադրվել վերջինիս ծեծելու համար։ Մ․Թ․-ի սկեսուրը, Գ․Ա․-ն, մայիսի 6-ին իր տանը որդու՝ Հ․Հ․-ի հետ միասին ծեծել է իր մյուս որդու նախկին կնոջը՝ Մ․ Թ․-ին՝ երեխաների խնամքի հարցի շուրջ ծագած վիճաբանության ընթացքում։ Այս մասին հայտնում է դատական տեղեկատվական համակարգը։ Մեղադրական եզրակացության մեջ նշվում է, որ սկեսուրը հողաթափով երկու և ավելի անգամ տարբեր ուժգնությամբ հարվածներ է հասցրել Մ․Թ․-ի մարմնի տարբեր մասերին՝ պատճառվելով ֆիզիկական ցավ և ձախ գոտկային շրջանի, ձախ ազդրի արյունազեղման և քերծվածքի ձևով թեթև վնասի հատկանիշներ զպարունակող վնասվածքներ։
Մեղադրանք է առաջադրվել նաև Հ․Հ․-ին։ Նշվում է, որ նա քաշել է Մ․Թ․-ի մազերից, այնուհետև աջ բռունցքով երկու և ավելի անգամ հարվածներ է հասցրել Մ․Թ․-ի նրա դեմքի շրջանին՝ պատճառվելով ֆիզիկական ցավ և քթի մեջքի փափուկ հյուսվածքների սալջարդի և կզակի շրջանի արյունազեղման ձևով թեթև վնասի հատկանիշներ զպարունակող վնասվածքներ։ Գործը մակագրվել է Արարատի և Վայոց ձորի մարզերի ընդհանուր իրավասության դատարանի դատավոր Թաթուլ Պողոսյանին։
Ծանուցում․ Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: