Խաչատուր Սուքիասյանը ոչ մի բարոյական իրավունք չունի, որ Վազգեն Սարգսյանին քննադատի: Այս մասին 168.am- ի հետ զրույցում ասել է ԵԿՄ վարչության նախագահ, Ազգային ժողովի «Իմ քայլը» խմբակցության նախկին պատգամավոր Սասուն
Միքայելյանը՝ անդրադառնալով «Քաղաքացիական պայմանագիր» խմբակցության պատգամավոր Խաչատուր Սուքիասյանի՝ օրերս հնչեցրած հայտարարություններին:
«Թող ոչ մեկն իրեն չգիտեմ ինչի տեղ չդնի, Վազգենին չքննադատի։ Նախ՝ մ ահացած մարդու հետևից չեն խոսում, 2-րդն էլ՝ պարոն Սուքիասյանը թող մի քիչ հեռվից գա, այն անձինք, որոնք բերել են Ռոբերտ Քոչարյանին, Սերժ Սարգսյանին, թող այդտեղից գա, ինչի՞ համար են
բերել, ու մեր երկիրն ի՞նչ օրի հասավ իրենց երկուսի թեթև ձեռքով, եւ ամեն ինչ ճիշտ մեկնաբանի․․․ Պետք չէ իրեն սրբի տեղ դնել, ուրիշ բաներ խոսել, ինքը ոչ մի բարոյական իրավունք չունի Վազգենին քննադատի, հաղթանակած հրամանատարին, սպարապետին։
Մենք վերջիվերջո պետք է ունենանք պատմություն, փոխանցեք մեր սերունդներին․․․ Վազգեն Սարգսյանը չի՛ սխալվել, սխալվել են այն անձինք, որոնք բերել են Ռոբերտ Քոչարյանին, Սերժ Սարգսյանին․ շատ մարդիկ չգիտեն, թե ով է բերել նրանց, ես միշտ ասել եմ, որ նրանց Լևոն Տեր-Պետրոսյանն է բերել․․․
Վազգեն Սարգսյանը՝ որպես հայրենասեր տղա, Ղարաբաղի խնդիր է առաջ եկել, դրա համար է ինքը․ չեմ ցանկանում ավելի խորը գնամ, ուրիշ բաներից խոսամ, սակայն խնդրում եմ, որ բառերը բուն իմաստով ասեն․․․ Խորհուրդ կտայի՝ Վազգենի մասին ինքն ընդհանրապես չխոսա»,- ասել է Սասուն Միքայելյանը:
Ազգային ժողովում նախօրեին Սուքիասյանը, մասնավորապես, ասել էր. «Հեղաշրջում արեց Վազգեն Սարգսյանը․ ես պետք է չտարբերեմ։ Վազգեն Սարգսյանը, հոգին լուսավորի, սակայն ինքը շատ վատ բան է արել Հայաստանի նկատմամբ։ Ուժային համակարգն ի՞նչ գործ ունի՝ կանգնի քաղաքական ղեկավարությանն ասի՝ սխալ եք, ո՞վ ա նա…»։