Դեկտեմբերի 2-ին՝ ժամը 20։15-ի դրությամբ, Վանաձորի, Թումանյանի, Աշոցքի տարածաշրջանների ավտոճանապարհներին տեղ-տեղ մերկասառույց է։ Սպիտակի և Ստեփանավանի ոլորանները բեռնատար տրանսպորտային միջոցների համար դժվարանցանելի են։ Տեղեկացնում է«Ճանապարհային դեպարտամենտ» հիմնադրամը։
Միջպետական և հանրապետական նշանակության մյուս ավտոճանապարհները բաց են:
«Ճանապարհային դեպարտամենտ» հիմնադրամի ճանապարհների պահպանման և շահագործման բաժնի աշխատակիցները հանրապետության մի քանի մարզերում հետևում են կապալառու կազմակերպությունների կողմից ճանապարհների մաքրման և աղով, ավազով մշակման աշխատանքներին և թերություններ հայտնաբերելու դեպքում տեղում համապատասխան ցուցումներ են տալիս։
«Ճանապարհային դեպարտամենտ» հիմնադրամը վարորդներին հորդորում է լինել ուշադիր, զգոնություն ցուցաբերել, խստագույնս պահպանել երթևեկության կանոնները և երթևեկել ձմեռային անվադողերով։