Կորոնավիրուսի պանդեմիայի ժամկետների վերաբերյալ հետազոտական տվյալներ են հրապարակել բրիտանական SAGE կազմակերպության (Scientific Advisory Group for Emergencies, արտակարգ իրավիճակների գիտական խումբ) գիտնականները:

 

SAGE-ի հետազոտողների կարծիքով՝ Sars-CoV-2 վիրուսը վտանգ կներկայացնի առնվազն առաջիկա 5 տարիների ընթացքում՝ կտևի մինչև 2026 թվականը։ Նշված ժամկետը կարող է ավելացվել, եթե պատվաստումների տեմպերը նվազեն և կորոնավիրուսի տարածմանը հակազդող միջոցառումներն անարդյունավետ լինեն։

 

Տարբեր երկրների գիտնականները չեն բացառում COVID-19-ով հիվանդացության նոր ալիքի առաջացումը։ «Օմիկրոն» վիրուսի շտամը, որն առաջին անգամ հայտնաբերվել է Բոտսվանայում և Հարավային Աֆրիկայում, արդեն հայտնաբերվել է 40 երկրների բնակիչների մոտ: Հրապարակման պահին փաստացի տվյալներով՝ Ռուսաստանում «Օմիկրոն» շտամով վարակման դեպքեր դեռ չեն հայտնաբերվել։