ՏԵՍԱՆՅՈՒԹ. Ես գործելու եմ ընդդիմադիր դաշտում. Իշխան Զաքարյանը դուրս եկավ «Պատիվ ունեմ» խմբակցությունից

ՀՀ ԱԺ «Պատիվ ունեմ» խմբակցության պատգամավոր Իշխան Զաքարյանը խմբակցությունից դուրս գալու դիմում է ներկայացրել: Պատգամավորը հայտարարություն է տարածել, որում ասված է. «Կայացրել եմ որոշում դուրս գալ ԱԺ «Պատիվ ունեմ» խմբակցությունից և իմ աշխատանքը շարունակել խորհրդարանում՝ որպես անկախ պատգամավոր։

Կխնդրեմ իմ որոշման մեջ չփնտրել տարբեր ենթատեքստեր։ Սա իմ անձնական որոշումն է, և պահպանված են էթիկայի բոլոր նորմերը։

Երկրի համար այս ճակատագրական պահին ամենակարևորը սահմանների անվտանգության խնդիրն է ու կայուն, հասկանալի և վստահելի համագործակցությունը մեր ռազմավարական թիվ մեկ դաշնակցի՝ Ռուսաստանի Դաշնության հետ։ Ունեմ գաղափարներ, առաջարկներ, մշակումներ, որոնք կարծում եմ օգտակար կլինեն մեր երկրին՝ լուծելու բազմաթիվ խնդիրներ, դուրս գալու այս ճգնաժամից։ Իսկ դա ինձ համար ամենակարևորն է։