Ադրբեջանի ԱԳՆ ղեկավար Ջեյհուն Բայրամովը հայ-ադրբեջանական լարվածությունից խուսափելու միակ միջոցն անվանել է Հայաստանի հետ սահմանի սահմանազատման գործընթացի սկիզբը։ Այս մասին փոխանցում է ՌԻԱ Նովոստին։
Վերջին օրերին ադրբեջանա-հայկական սահմանի Քարվաճառի ուղղությամբ լարված իրավիճակ է նկատվում։
«Սահմաններին լարվածությունից խուսափելու միակ ճանապարհը սահմանազատման գործընթացի մեկնարկն է»,- ասել է Բայրամովը։
Ըստ Բայրամովի՝ իրենք կառուցողական դիրք ունեն, որն իբրև թե չեն նկատում հայկական կողմից։
Հիշեցնենք, որ ՀՀ ԱԳՆ-ն հայտարարություն էր տարածել, որով դատապարտում էր Ադրբեջանի զինված ուժերի կողմից սահմաններին սադրանքների իրականացումը։