Երեկ՝ դեկտեմբերի 22-ին, ավտովթար է տեղի ունեցել Երևանում: Ժամը 14:00-ի սահմաններում Նալբանդյան-Ա. Իսահակյան փողոցի խաչմերուկում՝ ժողովրդին հայտնի Ժողինստիտուտի դիմաց բախվել են 64-ամյա Արմենակ Գ.-ի վարած Ford Transit, 29-ամյա Նարեկ Կ.-ի վարած Nissan Altima մակնիշի և 22-ամյա Արմեն Գրիգորյանի վարած Nissan Tida մակնիշի ավտոմեքենաները:
Ինչպես հայտնում է ֆոտոլրագրող Գագիկ Շամշյանը, վթարի հետևանքով ավտոմեքենաներից մեկի ուղևոր, Արմավիրի մարզի բնակիչ 20-ամյա Տ. Հ.-ն մարմնական վնասվածքներով տեղափոխվել է Հերացու անվան թիվ 1 համալսարանական հիվանդանոց։
Օպերատիվորեն ժամանել են ՀՀ ներքին գործերի նախարարության ոստիկանության պարեկային ծառայության Երևան քաղաքի գնդի 2-րդ գումարտակի 1-ին վաշտի պարեկները՝ գումարտակի հրամանատար Արսեն Ստեփանյանի, գումարտակի հրամանատարի տեղակալ Դավիթ Նիկոոսյանի և վաշտի հրամանատարի պաշտոնակատար Արարատ Պետրոսյանի գլխավորությամբ:
Մանրամասն՝ shamshyan.com սկզբնաղբյուր կայքում։
Նյութի աղբյուր՝
https://lurer.com/?p=545805&l=am