Քրեական ենթամշակույթի դեմ պետք է անզիջում պայքար լինի. Գրիգոր Մինասյան

Քննարկվել են 2024թ.-ից մեկնարկող Քրեակատարողական ծառայության աշխատակիցների ատեստավորման գործընթացի մանրամասները: Նախարարը ևս մեկ անգամ նշել է, որ Ծառայությունը պետք է համալրված լինի որակյալ կադրերով, որոնց շնորհիվ էլ հնարավոր կլինի պայքարել թե՛ քրեական ենթամշակույթի, թե՛ հիմնարկներ ներթափանցող արգելված իրերի դեմ:

Ամբակում Գրիգորյանը շնորհակալություն է հայտնել պատասխանատու պաշտոնում իրեն նշանակելու համար և վստահեցրել, որ համատեղ ջանքերի շնորհիվ կկարողանան հասնել հաջողությունների, և կիրականացվեն համակարգին վերաբերելի բոլոր ծրագրերը:

Այնուհետ նախարարը և Քրեակատարողական ծառայության ղեկավար կազմը քննարկել են Ծառայությունում առկա խնդիրներն ու դրանց լուծման ճանապարհները:

Գրիգոր Մինասյանը նշել է, որ առաջիկայում սպասվելիք փոփոխությունները լավարկելու են Ծառայության որակը:

Արդարադատության նախարարը ևս մեկ անգամ շնորհավորել է նորանշանակ պետին ու մաղթել արդյունավետ և բեղմնավոր աշխատանք՝ ի նպաստ Հայաստանի Հանրապետությանը:

Նյութի աղբյուր՝

https://lurer.com/?p=546060&l=am