Արդեն հայտնի է, թե որ բրինձն է ամենաառողջարարը։ Բայց նույնիսկ դրա «առավելությունները» խամրում են, եթե հացահատիկը համադրում եք մեկ անցանկալի մթերքի հետ։ Սննդաբան Ռիմա Մոիսենկոն հիշեցրել է, որ բրինձը՝ ոչ հավակնոտ, մատչելի և որոշ դեպքերում օրգանիզմի համար անհրաժեշտ հացահատիկը, կարող է նույնիսկ փոխարինել հացին։
Բրինձն ու դրանից պատրաստված ուտեստները արագ հագեցվածություն են ապահովում՝ ակնթարթորեն բարձրացնելով արյան մեջ գլյուկոզայի մակարդակը։ Խորհուրդ է տրվում բրինձ ուտել շաբաթական 2-3 անգամ։ Նախապատվությունը պետք է տրվի շագանակագույն սորտերին, քան չափից ավելի եփած սպիտակ բրնձին: Այնուամենայնիվ, նույնիսկ «պատշաճ» բրինձը չի կարելի մսի հետ ուտել։
Երբ ստամոքսում մեծ քանակությամբ օսլայի աղբյուր է հայտնվում, շատ ստամոքսային հյութ է արտազատվում: Միսը նույնպես գնում է այնտեղ. դրա համար անհրաժեշտ են ֆերմենտներ, որոնք առանձին մարսում են սպիտակուցը:
«Ստացվում է, որ սկզբում բրինձը կմարսվի, իսկ միսը` ոչ: Հետևաբար, կարող է լինել սպիտակուցի երկրորդային անբավարարություն՝ կապված մթերքների ոչ ճիշտ համադրության հետ»,- ասել է սննդաբանը։ Համային բազմազանությունը պահպանելու համար ավելի լավ է բանջարեղենը և ցածր յուղայնությամբ սոուսները մատուցել հացահատիկի հետ: