Գործադուլ արած վարորդները կազատվեն աշխատանքից․ քաղաքապետարանը վճռական է տրամադրված

Այսօր վաղ առավոտից մայրաքաղաքի տրանսպորտը կաթավածահար է եղել։ Բանն այն է; որ «Երևանի ավտոբուս» ՓԲԸ-ի մեծ թվով վարորդներ գործադուլ են որոշել անել՝ գիծ դուրս չգալով և մարդկանց չտեղափոխելով։ Արդյունքում՝ հարյուրավոր քաղաքացիներ մնացել են կանգառներում առանց տրանսպորտի։ 

Երևանի քաղաքապետարանը, արձագանքելով այս խնդրին, այսօր տեղեկացրեց, ու վարորդներն առանց որևէ ծանուցման են գործադւոլ հայտարարել, և առիթը, ինչպես հասկացանք քաղաքապետարանի տարածած հաղորդագրությունից, իրենց ստացած աշխատավարձից դժգոհությունն է։

«Ինչպես գիտեք, վերջին ամսվա ընթացքում հանրությանը պարբերաբար առիթ ենք ունեցել հայտնելու, որ միասնական տոմսային համակարգի ներդրմանը զուգահեռ էականորեն կրճատվել է ստվերային շրջանառությունը, և այս գործընթացը շարունակական է լինելու»,- ասել են քաղաքապետարանից։