Ձեռքերի դողը՝ բժշկական լեզվով՝ տրեմորը, առաջանում է երկու պատճառով՝ ֆիզիոլոգիական ու պաթոլոգիական: Ֆիզիոլոգիական պատճառների ցանկում են այն դեպքերը, երբ որևէ իրադարձությունից առաջ կամ որևէ իրավիճակում դուք ունենում եք անհանգստություն, վախ:

Երբեմն դա կարող է լինել երկարատև սթրեսների արդյունքում, կամ օրինակ ֆիզիկական ծանր աշխատանքից հետո: Սակայն եթե վերը նշված պատճառներից և ոչ մեկը ձեզ մոտ չկա, ապա դա արդեն պաթոլոգիական խնդիր է:

Ձեզ ենք ներկայացնում այն հիվանդությունները կամ առողջական խնդիրները, որոնք առաջացնում են ձեռքերի դող:

Եթե դուք ոչնչից չեք վախեցել, չեք անհանգստանում և երկարաժամկետ սթրեսներ չունեք, բայց ձեր ձեռքերը դողում են, ապա սա կարող է լինել մի քանի հիվանդությունների նախանշան կամ արդեն ուղղակի հետևանք:

• Ձեռքերի դող առաջանում է շաքարային դիաբետի դեպքում, երբ արյան մեջ գլյուկոզայի քանակը կտրուկ նվազում է:
• Տիրեոտոկսիկոզի դեպքում, նույնպես ձեռքերը սկսում են դողալ: Տրեմորը առաջանում է վահանագեղձի հորմոնների մակարդակի կտրուկ բարձրացման դեպքում:
• Ձեռքերի դող առաջանում է նաև մակերիկամների հիվանդությունների դեպքում:
• Այն առաջանում է նաև թունավորումների դեպքում՝ հատկապես ծանր մետաղներով, գազով թունավորվելիս:
• Առաջանում է նաև ցրված սկլերոզի, երակային հիվանդությունների և ուղեղի որոշակի վնասվածքների դեպքում:
• Եթե ձեռքերը դողում են, ապա դա կարող է լինել պարանոցային օսթեոխոնդրոզի հետևանք: