Ադրբեջանի Աղջաբեդում 13-ամյա աղջկան նշանադրել են 23-ամյա տղայի հետ։ Համաձայն երկու ընտանիքների միջեւ համաձայնության՝ պաշտոնական ամուսնությունը պետք է գրանցվեր այն բանից հետո, երբ աղջիկը դառնար տասնութ տարեկան։ Սակայն տղայի եւ աղջկա միջեւ ինտիմ կապ է եղել եւ աղջիկը տասներեք տարեկանում հղիացել է ու ծննդաբերել։
Մինչ ծննդաբերելը, երբ ընտանիքներն իմացել են աղջկա հիղանալու մասին, հարսանիք են կազմակերպել տանը՝ ամենամոտ ազգականների մասնակցությամբ։
Երբ աղջկան տեղափոխել են հիվանդանոց ստուգման, բժիշկները այդ մասին տեղեկացրել են ոստիկանությանը։ Մինչ այդ՝ երկու ընտանիքներն էլ ամեն բան փորձել են պահել գաղտնի։
Դեպքի առնչությամբ հարուցվել է քրեական գործ։ Քննության ընթացքում էլ ծնվել է երեխան։ Փեսացուի հանդեպ նշանակվել է պայմանական պատիժ։