Արևային բռնկումը պլազմայի ամպ է ուղարկել Երկիր մոլորակի վրա, վաղն առավոտյան սպասվում են ուժեղ մագնիսական փոթորիկներ, «ՌԻԱ Նովոստի»-ին ասել է Ռուսաստանի Գիտությունների ակադեմիայի տիեզերական հետազոտությունների ինստիտուտի արևային աստղագիտության լաբորատորիայի ղեկավար Սերգեյ Բոգաչովը:
«Զանգվածային արտանետման ազդեցությամբ այսօր և վաղը սպասվում են ուժեղ մագնիսական փոթորիկներ,»,- ասել է նա։
Սպասվում է, որ այն Երկրին կհարվածի 24 ժամվա ընթացքում, նախնական հաշվարկներով՝ կիրակի Երևանի ժամանակով 4:00-7:00-ն ընկած ժամանակահատվածում:
«Այս պահին մագնիսական փոթորիկների կանխատեսումը դեռ ձևավորվում է, սակայն G3 մակարդակի իրադարձություններ են սպասվում: Վերջին անգամ համեմատելի մակարդակի փոթորիկներ դիտվել են հունվարի սկզբին», — հավելել է Բոգաչովը: