Ռուսաստանում գրանցվել է նոր, առայժմ չպարզված վիրուս, տեղեկացրել է SHOT-ը։
Հիվանդացողները բողոքում են բարձր ջերմությունից եւ արյուն պարունակող ուժեղ հազից, ընդ որում՝ COVID-19-ի եւ գրիպի թեստերը բացասական են։

 

Ախտանշանները հիվանդացածների մոտ նման են՝ սկսվում է մարմնի կոտրտվելով եւ թուլությամբ, հետո վիճակը կտրուկ վատանում է։ Ուղեկցվում է բարձր ջերմությամբ (մինչեւ 39 աստիճան) եւ ուժեղ հազով, երբեմն արցունքակալվելու աստիճանի։ Հիվանդացածներից մեկը՝ Ալեքսանդրան, պատմել է, որ անգամ հիվանդանալուց եւ հակաբիոտիկներ ընդունելուց մեկ շաբաթ հետո հազը պահպանվել է, իսկ հինգերորդ օրը խորխում արյուն է հայտնվել։ COVID-19-ի եւ A եւ B գրիպների թեստերը բացասական են։

Ալեքսանդրայի խոսքով՝ բժիշկները տեղեկացնում են այս տարօրինակ վիրուսով վարակման բազմաթիվ դեպքերի մասին, որն առայժմ չի հաջողվել պարզել։ Եզրակացություններում գրում են «վերին շնչուղիների սուր չճշտված վարակ»։

Դիտարկվում է այն վարկածը, որ դա կարող է լինել միկրոպլազմային թոքաբորբ, որի բռնկումն արդեն տեղի ունեցել է անցած տարվա դեկտեմբերին, գրել է «Московский комсомолец»-ը։