Մերձմոսկովյան շրջանի բնակչին արջի հարձակումից հետո բժշկական օգնություն է անհրաժեշտ եղել, այս մասին հայտնում է mk.ru-ն։
Միջադեպը տեղի է ունեցել Սոկոլովո գյուղի մոտ, որը գործնականում գտնվում է Սմոլենսկի շրջանի սահմանին։ 29-ամյա տղամարդը գնացել է անտառ՝ եղնիկի եղջյուրներ գտնելու, սակայն ինչ-որ պահի թավուտից գիշատիչ է հայտնվել։
Անհայտ պատճառով արջը հարձակվել է տղամարդու վրա, սակայն շուտով վերադարձել է անտառ։ Այդ ընթացքում տուժողը զանգահարել է հարազատներին։ Բժիշկները տղամարդու վիճակը գնահատում են ծանր։
«Վիրավորին անհրաժեշտ է տարհանել ուղղաթիռով։ Տղամարդու դեմքը այլանդակված է, իսկ ոսկորները՝ կոտրված», - հայտնում է հրատարակությունը։
Հայտնի է, որ այս տարածքում նախկինում նկատվել են մեծ քանակությամբ հետքեր և որջ, ինչը վկայում է վեց արջի առկայության մասին։