Բալի սեզոնը եռում է, և շատերը չեն կարողանում կտրվել քաղցր, հյութալի հատապտուղներից: Սակայն, ամռան գալուստով, հին վախերը կենդանանում են. ի՞նչ կլինի, եթե պատահաբար կուլ տաք կորիզ:
Թերապևտ և գաստրոէնտերոլոգ Օլգա Շիպկովան վստահեցրեց, որ մեկ կուլ տված բալի կորիզը վտանգավոր չէ ո՛չ մեծահասակների, ո՛չ էլ երեխաների համար: Դեպքերի մեծ մասում օրգանիզմն ինքնուրույն է հաղթահարում խնդիրը. կորիզը պարզապես անցնում է մարսողական տրակտով:
Եթե մարդը կուլ տա ոչ թե մեկ, այլ մի բուռ կորիզ, հետևանքները կարող են շատ ավելի լուրջ լինել: Նման պատահարները մեծացնում են աղիքային խցանման կամ ապենդիցիտի սրացման ռիսկը:
Կա նաև կարծիք, որ կորիզները պարունակում են մեծ քանակությամբ թունավոր ցիանային թթու: Օլգա Շիպկովան Life.ru-ի հետ զրույցում բացատրեց, որ թունավորվելու համար անհրաժեշտ է մեծ քանակությամբ սերմեր ծամել և «պահել» դրանք աղիքներում առնվազն մեկ շաբաթ: Սա չափազանց անհավանական սցենար է, գրեթե անհնար է առօրյա կյանքում: