Երկվորյակներ

Խոսքը ձեր տարերքն է, սիրելի՛ Երկվորյակներ։ Բառերը ձեր արժույթն են, ձեր կամուրջը, ձեր միջոցը՝ հարթելու ճաքերը, հենց դրանք հայտնվում են։ Դուք բացատրում եք, վերլուծում և ամեն ինչին տրամաբանական բացատրություն եք տալիս։ Եթե ինչ-որ բան ցավում է, դուք ուղիղ խոսում եք այդ մասին՝ հավատալով, որ ճիշտ պահին ասված ճիշտ խոսքերը կարող են ամեն ինչ բուժել։

Սակայն 2025 թվականի հոկտեմբերը մի սթափեցնող ճշմարտություն է բացահայտում. ոչ բոլոր լռությունները կարելի է լցնել խոսքերով, և ոչ բոլոր վերքերն է, որ կարելի է բացատրություններով բուժել

Հոկտեմբերի 21-ին Կշեռքում Նորալուսինն իր անզիջում լույսը կսփռի ձեր հարաբերությունների վրա՝ ցույց տալով փոխհարաբերությունների այն ընթացքը, որը դուք այդքան երկար փորձել եք անտեսել։

Հոգու խորքում դուք զգում եք՝ խնդիրը թյուրիմացությունը չէ։ Խնդիրն այն է, որ ինչ-որ մեկը, գուցե և երկուսդ էլ, զգացմունքային առումով այլևս ներկա չէ այդ հարաբերություններում։

Սա ծանր գիտակցում է, հատկապես ձեզ համար։ Բառերը ձեր ուժն են։ Դուք կամուրջներ կառուցող եք, խաղաղարար, մեկը, ով հավատում է, որ միշտ կա հասկանալու և հասկացված լինելու ճանապարհ։ Բայց երբեմն ճշմարտությունն ավելի դաժան է լինում. խնդիրը ոչ թե չհասկանալն է, այլ հասկանալ չցանկանալը։

Ձեր դասը հոկտեմբերին

Դուք չեք կարող հարաբերությունների բեռը միայնակ կրել։ Դուք չեք կարող անվերջ կյանք ներշնչել մի բանի, որին երկու զուգընկերներն էլ թույլ են տվել թառամել։ Գալիս է մի պահ, երբ լռությունն ավելի խոսուն է, քան բացատրությունները, երբ բաց թողնելը ոչ թե պարտություն է, այլ ազատագրում։։

Ժամանակն է հստակ գործելու։ Ընդունելու այն, ինչի մասին վաղուց լռում են։ Դադարեք հոգին թափել զրույցների մեջ, որոնք ոչ թե կամուրջներ են ստեղծում, այլ ավելի են խորացնում անջրպետը։

Ձկներ

Դուք երազող եք, սիրելի՛ Ձկներ։ Ձեր սիրտը տենչում է իդեալական սիրո, հոգևոր կապի և այն մարդու մասին երազանքներին, ով ձեզ կհասկանա առանց բառերի։ Ձեր հոգին օվկիանոսի պես անհուն է՝ խորհրդավոր, քնքուշ և անվերջանալի խորը։

Բայց այս պարգևն ունի նաև իր ստվերային կողմը։ Երբ իրականությունը չափազանց սուր է դառնում, դուք հարթեցնում եք դրա անկյունները։ Դուք ձեզ վրա եք վերցնում ուրիշների բեռը, չափից շատ եք ներում և չափից երկար եք հույսով ապրում։ 2025 թվականի հոկտեմբերն այլևս թույլ չի տա ձեզ թաքնվել ձեր հոգու խորքերում։ Նեպտունը ձեր նշանում բախվում է Կարիճի սեզոնի փոխակերպող էներգիայի հետ, և քողը պատռվում է։

Հանկարծ պատկերն ամբողջովին պարզվում է։ Դուք տեսնում եք այն, ինչից այդքան երկար խուսափում էիք. սեր, որին միշտ ավելին եք տվել, քան ստացել։ Զուգընկեր, ով մխիթարություն է գտել ձեր առատաձեռնության մեջ, բայց երբեք նույն կերպ չի պատասխանել։