Հայկական ավանդական ղափաման բրնձով, չրերով, ընկույզով և մեղրով լցոնված դդումն է։ Անհիշելի ժամանակներից այն հայկական տոնական սեղանների զարդն է համարվել։info.most.am-ը այսօր ներկայացնում է ավանդական հայկական Ղափամայի բաղադրատոմսը։
Բաղադրիչներ
• 1հատ դդում,
• 100 գր. բրինձ,
• 0,5 բաժակ ծիրանաչիր,
• 0,3 բաժակ սև սալորաչիր,
• 0,5 բաժակ չամիչ,
• 0,5 բաժակ ընկույզ,
• 1 թ.գ. դարչին,
• 6 ճ.գ. մեղր,
• 100 գր. կարագ։
1. Դդումը լվացեք և վերևից կլոր կտրեք գլխի մասը՝ ուշադրություն դարձնելով համաչափության վրա։
2. Գդալով մաքրեք դդումի միջուկը կորիզներից։
3. Դդումի պատերին 2 գդալ մեղր քսեք։
4. Բրինձը կիսաեփ արեք։
5. Առանձին ամանի մեջ դրեք բրինձը և կարագ ավելացրեք։
6. Երբ կարագը հալվի, ավելացրեք չրեղենը, ընկույզն ու դարչինը։
7. Խառնուրդին ավելացրեք մեղրի մնացորդն ու լավ խառնեք։
8. Դդումը լցրեք այս խառնուրդով, ծածկեք «կափարիչով», դրսից կարագ քսեք և 220 աստիճան տաքացված ջեռոցը դրեք մեկ ժամով։
9. Դդումի պատրաստ լինելու մասին կիմանաք մատով սեղմելով այն. դդումը պետք է փափուկ լինի և մատի հետքը մնա։
10. Ղափաման պատրաստ է։ Կտրելուց առաջ թողեք դդումը սառչի։
11. Ուտելիս անպայման լսեք «Հեյ ջան, Ղափամա» երգը։ Բարի ախորժակ։
Նյութը հրապարակման պատրաստեց info.most.am-ը
Աղբյուրը ՝ http://entertrain.1in.am