Պատրաստում ենք Սուրբ Զատիկի համար անչափ համեղ կուլիչ. այս բաղադրատոմսը երբեք հուսախաբ չի անում, անպայման փորձեք

Բաղադրիչներ

Ալյուր – 1կգ Կաթ – 1.5 բաժակ Ձու – 6 հատ Կարագ կամ մարգարին – 300գ Շաքարավազ – 1.5-2 բաժակ Հեղուկ խմորիչ – 40-50գ Աղ – 3/4 թ/գ Չամիչ – 50գ Ծիրանաչիր – 50գ Նուշ կամ յուրաքանչյուր այլ տեսակի ընկույզ – 50գ Վանիլին – 1/2 թ/գ

Պատրաստման եղանակը

1.5 բաժակ տաք կաթի մեջ ավելացնել խմորիչը, ալյուրի կեսը, լավ հունցել, ծածկել և դնել խմորը տաք տեղում: Երբ խմորը 2 անգամ աճի, ավելացնել աղ, ձվի դեղնուցները (1 հատը թողնել թխելուց առաջ վրան քսելու համար), շաքարավազով և վանիլինով հարած կարագը, խառնել այդ ամենը, ավելացնել լավ հարած ձվի սպիտակուցները և մնացած ալյուրը: Խմորը ծածկել և նորից դնել տաք տեղ: Երբ այն աճի 2 անգամ, ավելացնել չամիչը, մանր կտրատված չիրը և նուշը: Այս բոլորը լավ խառնել, տեղավորել կաղապարների մեջ և թխել 34-40 րոպե, 180 աստիճան ջեռոցում: