Կիևյան կոտլետը՝ իր սկզբնական տարբերակով, երբեք չի պատրաստվել հավի աղացած մսից՝ ինչպես հիմա պատրաստում են մեր տանտիրուհիները, այլ՝ հավի ծեծած կրծքամսով, որի մեջ դրվել է մի կտոր կարագ,երբեմն կտրտած մաղադանոսի կամ սամիթի հետ խառնած :

Այս բաղադրատոմսը, որ առաջարկում եմ, քիչ թե շատ մոտ է իրական կիեւյան կոտլետի տարբերակին:

հավի կրծքամիս 1,5 կգ 1- հատ մեծ չափի գլուխ սոխ, 4-5 պճեղ  սխտոր, 2 մեծ հացի կտոր կաթի կամ ջրում թրջած ու լավ քամած.

Այս բոլորը միասին աղում ենք մսաղացով /Ցանկալի է այն աղալ 2 անգամ,որ մասսան ավելի կպչուն և միատարր լինի / մեջն ավելացնում ենք աղ և սև պղպեղ՝ ըստ ճաշակի /յուրաքանչյուրից 1 ական թեյի գդալ ….. եթե սիրում եք նաև կարմիր քաղցր փոշի պղպեղ,

1 հատ ձու, լավ խառնում եք մասսան, որից հետո ձեռքի ափով վերցնում եք այդ մասսայից մոտ 1,5-2 ճաշի գդալի չափով:

Ձեռքը թրջելով գնդիկներ ենք անում,որից հետո մեջտեղի մասում դնում ենք սառեցրած կարագի փոքր կտորը ( եթե ցանկանում եք նաև խառնած կտրատված կանաչիի հետ / մաղադանոս կամ սամիթ, համեմ, ով ինչ սիրում է) երկարավուն տեսք ենք տալիս- ծածկելով միջուկի մասն այնպես, որ բոլորովին չերևա և լավ ծածկվի:

Այդ կոտլետները թաթախում ենք ալյուրի մեջ, հետո հարած ձվի կամ հարած ձվի սպիտակուցի մեջ, հետո պաքսիմատի մեջ, /այսինքն ալրապատում ենք, լեզոնապատում և պաքսիմապատում/ Տապակում ենք <ՖՐԻ> եղանակով առատ յուղի մեջ ցածր կրակի ներքո, այնպես , որ հավասարապես բոլոր կողմերից կարմրեն և տապակվեն,  այլապես մեջը հում կմնա