Պատրաստում ենք ամանորյա աղցան «Շնիկ». Ինքնատիպ և ախորժելի. Ուրախացրեք տարվա տիրոջը

Հավի կրծքամիսը աղ անել, համեմել և տապակել: Այնուհետև սառեցնել և կտրտել խորանարդաձև: Գազարն անցկացնել քերիչով և լցնել ամանի մեջ: Սոխը կտրտել տաշեղաձև և նույնպես լցնել ամանի մեջ: Ավելացնել քերած պանիրը, մանրացրած ընկույզը: Ձվի դեղնուցն ու սպիտակուցն առանձնացնել իրարից: Մանրացրած դեղնուցը լցնել աղցանի մեջ: Ավելացնել մայոնեզ, աղ՝ ըստ ճաշակի: Աղցանը լցնել տափակ ափսեի մեջ և, ինչպես պատկերված է նկարում, շան գլխի ձև տալիս: Վրան քսել մայոնեզ: Երկրորդ գազարն անցկացնել քերիչի մանր կողմով, հեռացնել հյութը և նկարում պատկերված ձևով ստանալ շան դեմքը: Սպիտակուցը քերել և ստանալ ականջները: Մայոնեզով և զեյթունով ստանալ քիթը, ապա սպիտակուցով և զեյթունով աչքերը: Լեզուն կարող եք ստանալ կարմիր պղպեղի կամ լոլիկի միջոցով:Բարի ախորժակ:

Նյութը հրապարակման պատրաստեց՝ Հայ Ինֆո-ն