Եթե սիրում եք մեղրով տորթեր, ապա կարող եք փորձել մեղրով ու շոկոլադով այս տորթը և ապահովել համեղ ու հաճելի հյուրասիրություն

Բաղադրիչներ

Խմորի համար՝

մեղր — 150 գր

շաքարավազ — 200 գր

կարագ — 100 գր

սոդա — 1 թ/գ

ձու — 2 հատ

կակաոյի փոշի — 40 գր

կաթ — 100 մլ

ալյուր — 600 գր

Գանաշ

դառը շոկոլադ — 100 մլ

սերուցք (33% յուղ.) — 80 մլ

Կրեմի համար՝

սերուցք (33% յուղ.) — 500 մլ

դառը շոկոլադ — 200 գր

Նուտելլա — 150 գր

Պատրաստման եղանակը

Շոկոլադը մանր կտրատում ենք:

Սերուցքը հասցնում ենք եռման աստիճանի, ապա ավելացնում ենք շոկոլադն ու խառնում:

Ստացված զանգվածը 3-4 ժամ դնում ենք սառնարանում:

Կաթսայի մեջ լցնում ենք շաքարավազը, մեղրն ու կարագը: Այնուհետև դնում ենք կրակի վրա և եփում այնքան, մինչև կարագն ու շաքարավազը լուծվեն: Հանում ենք կրակի վրայից, ավելացնում ենք սոդան ու խառնում:

Զուգահեռ պատրաստում ենք կակաոն եռացրած կաթի հետ:

Ստացված երկու զանգվածները խառնում ենք, ավելացնում ձուն և հարում այնքան, մինչև ստացվի միասեռ զանգված:

Ավելացնում ենք ալյուրը և խառնում: Պետք է ստացվի կպչուն խմոր:

Ստացված խմորը բաժանում ենք 12 հավասար մասերի:

Յուրաքանչյուր մաս բացում ենք յուղաթղթի վրա, ապա պատառաքաղի օգնությամբ նախշեր ենք անում:

Թխում ենք 6-7 րոպե նախօրոք 180 աստիճան տաքացրած ջեռոցում:
Սառնարանից հանում ենք շոկոլադե սերուցքային զանգվածը, հարում ենք, ապա ավելացնում ենք Նուտելլան և շարունակում հարել:

Խմորաշերտերը պատում ենք կրեմով և սկսում ենք պատրաստել գանաշը: Սերուցքը հասցնում ենք եռման աստիճանի, ապա ավելացնում ենք մանր կտրատած շոկոլադները և խառնում ենք:

Տորթը պատում ենք գանաշով, ապա 3-4 ժամ թողնում ենք սառնարանում:

 

Նյութի աղբյուր՝ www.cooks.am