Խրթխրթան  համեղ ու ախորժալի  այս ձողիկները պատրաստվում են շատ արագ: Հիանալի տարբերակ է  նախաճաշի կամ թեթև ընդմիջման համար:

Բաղադրիչներ

180 գ կաթնաշոռ

140 գ պանիր պինդ տեսակի

1 ձու

2-3 ճաշի գդալ ալյուր  + 1 ճաշի գդալ

Կես կապ կանաչ սոխ կամ այլ կանաչի՝ ըստ ցանկության

Աղ

Բուսայուղ տապակելու համար

Պատրաստման եղանակը

Պանիրն անցկացնել մանր քերիչով:

Վրան ավեացնել կաթնաշոռը,  մանր կտրատված կանաչին,  ավելացնել ձուն,  և լավ խառնել պատառաքաղի օգնությամբ, մինչև ստացվի համասեռ զանգված: Ավելացնել ալյուր:

Սեղանին ալյուր շաղ տալ,  գդալի օգնությամբ վերցնել կաթնաշոռային զանգվածից, թավալել ալյուրի մեջ, ձողիկների ձև տալ:

Թավայի մեջ բուսայուղ տաքացնել,  ձողիկները տապակել  երկու կողմից մինչև ոսկեգույն կեղև առաջանա: Թավան պետք չէ ծածկել կափարիչով:

Մատուցվող ափսեն զարդարել կանաչիով  և շարել կաթնաշոռապանրային ձողիկները:

Կարելի է մատուցել կծու սոուսով կամ  այլ սոուսով՝ ըստ ցանկության:

Անուշ լինի

 

Նյութը հրապարակման պատրաստեց՝ Goodinfo-ն