Հիպոդինամիան մեր ժամանակների լուրջ խնդիրներից է: Սա հիվանդություն չէ, այլ կարգավիճակ, ապրելակերպ, որում գտնվում են մեզանից շատերը: Այսօր նվազել է ֆիզիկական ծանրաբեռնվածության մակարդակը, մարդիկ վարում են պասիվ կենսակերպ, և դրա արդյունքում ի հայտ են գալիս մի շարք բացասական հետևանքներ: Այսօր շատերն են ձգտում գեղեցիկ կազմվածք ունենալ, և դիմում են տարատեսակ միջոցների օգնությանը, անմիջապես փորձում են հեռուստատեսությամբ գովազդվող միջոցները, սակայն չեն գիտակցում այն փաստը, որ ավելորդ կիլոգրամը հանդիսանում է մի շարք լուրջ հիվանությունների պատճառներից մեկը:
Սխալ կլինի հերքել այն, որ շատ կոսմետոլոգիական պրոցեդուրաներ ու պրեպարատներ տալիս են զգալի և արագ արդյունք: Բայց ցավոք այդ արդյունքները հաճախ կրում են ժամանակավոր բնույթ, եթե այդ գործընթացին չի մասնակցում մեր ենթագիտակցությունը:
Նախ պատկերացրեք, թե ինչպիսի կազվածք եք ուզում ունենալ, որքան հնարավոր է վառ պատկերացրեք այդ կերպարը: Այժմ, երբ նպատակը հստակ ընտրված է, վերանայեք ձեր մոտեցումը, ինչ քայլեր եք անում նպատակին հասնելու համար: Եթե վատ սովորություններ ունեք, ձերբազատվեք դրանցից: Պարզապես հետևեք հետևյալ կանոններին:
Կերեք դանդաղ, հաշվի առեք այն հանգամանքը, որ տարբեր մթերքներ տարբեր կերպ են յուրացվում և ոչ միանգամից:
Կերեք հաճախակի և փոքր չափաբաժիններով, այդպես քաղցի զգացողություն չի առաջանա:
Հաշվի առեք այն փաստը, որ երբ ուտելիս հեռուստացույց եք դիտում կամ երաժշտություն ենք լսում, ավելի շատ եք ուտում: Եթե որոշել եք ազատվել ավելորդ կիլոգրամներից, վերջ տվեք այդ սովորությանը:
Մի դարձեք դիետաների գերին, միանգամից մի սահմանափակեք շատ մթերքների օգտագործումը, հատկապես, որոնք սիրում եք, դա արեք աստիճանաբեր:
Զբաղվեք մարմնամարզությամբ: Դա կասկածի ենթակա չէ: Ֆիզիկական ծանրաբեռնվածությունը օգտակար է և շատ առողջարար է:
Վերջ տվեք սեփական արտաքինից դժգոհելուն, դա դժվար թե օգնի ազատվել ավելորդ կիլոգրամներից: Ամեն կես կիլոգրամ քաշ նվազելու դեպքում խրախուսեք և քաջալերեք ինքներդ ձեզ:
Նյութը հրապարակման պատրաստեց՝ Goodinfo-ն