Օդային մեղրով տորթ

Օդային անվանումն այս տորթը ստացել է անսովոր նուրբ շերտերի շնորհիվ, որոնք կրեմով ներծծվելուց հետո՝ դառնում են անկրկնելի համեղ և հալում են բերանում:

 

Բաղադրիչներ

ձու 2 հատ

շաքարավազ 1 բաժակ

կարագ 50գ

մեղր 2 ճ.գ.

սոդա 2թ.գ.

ալյուր 3 բաժակ

Կրեմ

կաթ 750 մլ

շաքարավազ 1 բաժակ

ձու 2 հատ

ալյուր 3 ճ.գ.

կարագ 350գ

Պատրաստման եղանակ

Տարրայի մեջ խառնեք ձուն, շաքարավազը և մեղրը, ավելացրեք կարագը, ստացված զանգվածը դրեք գոլորշու վրա: Թող մնա այնքան, մինչև որ կհալի կարագը:

Երբ հալչի կարագը, ավելացրեք սոդան. ամեն ինչ պիտի փրփրի:

Այժմ ավելացնում ենք ալյուրը: Խմորը պիտի մի փոքր կպչուն ստացվի:

Հիմա բաժանեք խմորը 8 հավասար մասերի:

Սեղանին ալյուր շաղ տվեք, և խմորի յուրաքանչյուր կտորը գրդնակեք:

Գրդնակած խմորի եզրերը կտրելով՝ ստացեք կլոր ձև: Ծայրերից ավելացած խմորը նույնպես պետք է թխել:

Խմորի ամեն շերտը թխում ենք 180 աստիճանի տակ՝ մինչև դառնա շագանակագույն:

 

Կրեմը պատրաստելու համար խառնեք ձուն և շաքարավազը, ավելացրեք ալյուրը, կաթը և կարագը, դրեք գոլորշու վրա:

Անընդմեջ խառնելով՝ եփեք այնքան, մինչև որ խտանա:

Երբ կրեմը սառի, հարեք այն հարիչով, որ միասեռ զանգված դառնա:

Սառած շերտերին քսեք կրեմ՝ նույնպես սառը:

Եզրերից ավելացած և թխված կտրվածքները փշրեք և լցրեք տորթի վրա և կողքերը:

Ցանկալի է, որ մատուցելուց առաջ տորթը մնա 2-3 ժամ:

Բարի ախորժակ…

 

Աղբյուր՝  Առաջին Ինֆո